Nálarnar hans Berndts Burghards

Þessir hátalarar kosta 10 þúsund kr. parið, ná niður í 50 riða bassa úr 8cm keilu, og eru heimasmíðaðir.

Ég ætla að herma eftir Sigurði PS á makkaspjallinu, og smíða mér par. (Sjá neðarlega í þræðinum.)

Í upprunalega þræðinum má finna verkteikninguna. Hún er fróðleg, þar sést hvernig hátalarinn er smíðaður eins og lúður til að magna upp hljóðið úr pínulítilli keilunni.

Átta MDF-plötur í hvorn hátalara, lím, skrúfur, snúrur og lakk. Eða veggfóður? Eða eitthvað annað fínt. Lakkað MDF getur verið helv. ljótt, held ég leggi eitthvað utan á þetta. Var jafnvel að spá í eitthvað cheesy viðarlúkk, lagt aðeins á ská.

Hvað segir fólk um hátalarana?

"considering size the Needle showed an astonishing volume paired with excellent clarity. [...] impressive three-dimensionality, excellent attention to detail and smooth tops [...] All in all, an ideal entry into DIY -- a bargain, easy to build and simply fascinating."

"[hljómurinn er] ótrúlega skemmtilegur. Þetta eru single driver keilur, þ.e. ein keil sem sér um allt tíðnisviðið. Miðtíðnin er sérstaklega fín. Lögunin á kassanum er hönnuð til að magna upp bassann og á hún að skila tíðni niður að 50 riðum. Það heyrist vel í bassanum, ótrúlega vel verð ég að segja miðað við stærðina á keilunni. Hún er bara 8 cm í þvermál!", segir Sigurður PS.

Par af þessum hátölurum + T-Amp á 2000kall == Asnalega ódýrt, og ótrúlega fínt.