Fyrst fullt hús stiga í Tölvunarfræði 2, og nú níu í Grundvallaratriðum tölvutækni! Ekki leiðinlegt!

Kannski væri þó reynandi að beita sér almennilega í skólanum næsta vetur. Mig langar nefnilega að verða eitthvað.

Ég er byrjaður að svara í símann í vinnunni. Mér var sparkað úr hreiðrinu strax á öðrum degi þegar upp komst að ég kynni sennilega eitthvað fyrir mér. Nú svamla ég í djúpu lauginni og fæ að leika mér með sama bolta og hinir strákarnir.

Ég gat ekki klifrað upp grænu leiðina með litla hliðargripinu eins og síðast, enda ekki búinn að sinna svefnmálum af nægilegri festu síðustu daga. Samt tókst mér að fljúga til Húsafells í kvöld og meira að segja kom ég mér til baka heim til mín þar sem ég sit núna. Mm-m, töl-van.

Talstöðvarskvaldur verður sjálfkrafa mun fallegra við að vera um borð í flugvél, frekar en leigubíl.