Búmm

Sat og lærði heima hjá Baldri í gær. Eik kom, og ég las fyrir hana og við borðuðum skyr. Næs.

Gurra vinkona Baldurs kom. Þau eru bæði hávaxin og tryllingslega íslensk í útliti. Stór-en-fíngerð á sama tíma. Mér leið eins og herbergið væri fullt af íslendingum, en þau voru víst bara tvö.

Lærði meira, og horfði svo á Old Boy. Potent stöff. Hollywood er farið að vindast upp á sjálft sig og og stirðna, en flestar asískar myndir sem ég hef séð nýlega eru mjög alvöru. Fólk er einhvernveginn að pæla meira þar, virðist vera. Minna verið að binda sig á bása, í stóru jafnt sem smáu. Ef maður skoðar heila mynd þá er hún t.d. epískt grikkjadrama með slapstick. Rómantík sem maður er tilbúinn að kaupa og lætur manni líða einhvernveginn, en er samt alveg insane fokkd opp á sama tíma. Fjúff.

Sennilega er kvikmyndagerðarfólk þarna fyrir austan nógu svangt til að berjast? Stærri verk unnin, en samt alveg persónulegri líka. Merkilegt að sjá hvað kemur þegar skapandi hörkutól frá útlöndum fjær fer að gera sína útgáfu af vestrænnu bíói. Það er eins og fólk gefi sér og hafi meira leyfi til að búa eitthvað til.

Fínt líka að sjá hvað þeir eru til í að hræra tölvugrafík og fifferíi saman við allt hitt. Kaninn lendir dálítið í því að "jæja nú er tölvugrafíkatriði" og þá eru designated þrjár mínútur af geimskipum eða hringsnúandi sprengingum. Grafíkdeildin skilar sínu vel! Duglegir strákar.

Í asísku myndunum þá er einhverju litlu brellufiffi oft hrært saman við bara-einhvernveginn-hvernigsemer atriði til að segja eitthvað. Fókusinn á fólkið í sögunni og söguna, en ekki á tækniverkið. Finnst eins og asísku myndirnar séu að horfa á tunglið, en kaninn að horfa á puttann á Bruce Lee. Vá hvað bruce lee er með marga polygona og geðveikt raunverulega húð.

Oft mjög flottar skiptingar á milli atriða líka.

Og! Nútíminn er oft inni í myndunum. Alvöru MSN t.d. í Old boy, og lúkkið á því er notað. Í Bio-Zombie er GSM-symmbólissmi notaður MJÖG FLOTT.

Ah. Þarna er komið eitthvað. Það er eins og það sé verið að fylgjast með heiminum í kring um sig út úr hugsandi og menntuðum kollum. Það er nefnilega alveg geðveikt tricky að sjá heiminn í kring um sig, og taka eftir því sem hefur mest áhrif á mann.

Sbr. ný-tarotið sem ég hef talað um við Borgar og Lunval. OK auðvitað í gríni alltaf endalaust eins og allt sem ég fokking segi.

En líka í alvöru.

(Eins og fokkingst allt sem ég segi og geri! Þið vitið það alveg - og ekki gleyma því.)

Tarotspil eru svona tákn, og þau þýða eitthvað. Táknin á taroti eru bara gömul og prumpó. Hvernig áhrif haldiði t.d. að það hefði á mann að draga Krabbameinið, Óléttu fyrrverandi kærustuna, Sjö Míkrófóna? Í Krabbameini er auðvitað dauði og allskonar, en líka lúmskt dót. T.d. brenglaða hugmyndin um "þetta-kemur-ekki-fyrir-mig", sem er hugmynd sem er eins raunveruleg og borðið sem ég er með fæturna á núna. Ólétta fyrrverandi kærastan er auðvitað hlutur sem kýlir mann í magann þegar maður fréttir af honum, en líka: Hann táknar hliðargrein af framtíðinni sem hefði getað verið föst við fortíðina þína. Eitthvað sem aldrei verður í þínu lífi, en er í annarra. Holy moly, ha?

Og míkrófónar. Don't get me started. Rosalegt stöff. Míkrófónar og myndavél eru galdrastafirnir og -sprotarnir sem við notum í dag. Rammir að fríkins afli, krakkar.

Settu míkrófón í andlitið á einhverjum, þarft ekki einu sinni að fara með töfraþulu, og hann missir málið. Skoðanir hans brenglast. Persónuleikinn afmyndast. Ef myndavél er beint að þér þá missirðu stjórn bæði á andlitinu og því hvað þú gerir.

Það eru líka til töfraorð. Actual alvöru töfraorð sem hafa actual alvöru mátt. Ég kann að galdra kláða í hausinn á fólki. Ég segi orðið lús. Þig klæjar. Einfalt. Virkar. Galdraorð.

Það er ekkert smá hollt að reyna að líta svona í kring um sig og fatta hvað það er í kring um mann sem eru nógu öflugt til að passa á tarotspil.

Einn snillingur, vinur Baldurs, er með eitt flottasta tattú sem ég hef séð. Tvo gamaldags íslenska símastaura á brjóstinu. Vængefið. Gamla ísland og afi hans eru þarna, miklu meira en ef hann væri með kort af íslandi á vinstra brjósti og afa sinn á því hægra. Sannarlega fallegt tattú. Dem.

En svo ég muni, þá hef ég tekið eftir þessari alvöru-fullorðins bíólistar-pælinga fatti-og-framkvæmdaólgu í þessum myndum:
Old boy
Bio-Zombie
Shaolin Soccer