Ég er að eipa af ánægju með nýju heyrnartólin og magnarann.

Þar sem ég vil ekki fríka út á MSN-listanum mínum vegna þessa, það gæti virst svo sjáðu-mig, ætla ég að gera það hér.

Eip; Öll hljóðin eru svo falleg! Bara rugl! Strjúki t.d. einhver selló með rykk er eins og hvert hárið í boganum hneggji af ánægju með strenginn, sem rymur sjálfur, hvíslar og pípir af ánægju. Á sama tíma finnur maður sjálft sellóið skjótast í gegnum hausinn á sér, fyrst snigillinn efst, svo breikkandi hálsinn með spenntum strengjum og loks kantaður og furðulegur maginn á hljóðfærinu með f-unum og alles.

Komi tískulegur skreyttur snerilsmellur með lýsist allt upp í merkilega langt augnablik, flassmynd er tekin af afgagnum af hljóðunum og maður finnur svo sporið eftir hljóðið þegar það er horfið.

Þetta er ekkert grín ...